DԐN ENTI NA WϽNYԐ AKRISTOFO? “Na misuro ….sԑ moadwen beyi afi ntease tiawa a ԑfa Kristosom ho”-2 Korintofo 11:3 NASB.

Mormon som a wᴐfrԑ wᴐn (Church of Jesus Christ of Latter Day Saints-LDS) ne Yehowa Adansefo som a wᴐfrԑ no Ͻwԑn Aban (Watchtower) gyidi ne amanne wᴐ abusuabᴐ kԑse. Wᴐgye wᴐnho di sԑ wᴐn na wᴐde nokware Akristosom a ԑsɛe wᴐ asomafo wu akyi no asi ho. Wᴐka sԑ Onyankopᴐn nam wᴐ som nkutoo so san de nokware som ahyehyԑde a si hᴐ bio, na obiara ᴐgye wᴐn som tom no na ᴐwᴐ nokware som a edi mu ankasa.

Sԑ nnipa a wᴐnnyԑ wᴐn mu bi ka sԑ wᴐnnyԑ Kristofo a, efisԑ wᴐnnnye nkyerԑkyerԑ ne amanne a kan Kristofo gye di no a, mpԑn pii Yehowa adansefo ne Momonfo bo fuw. Efisԑ wᴐ dwen sԑ wᴐgye Kristo di, enti wᴐ bisa obiara wᴐn sɛ wᴐnnyԑ Kristofo no nsԑmmisa. Wᴐ eyi ho no, yԑbisa wᴐn nso sԑ:  

1. So ka a obi bԑka sԑ ᴐgye Yesu di no ma ᴐfata sԑ Kristoni? ԑnde na ԑbԑyԑ dԑn na ԑne Yesu Kristo asԑm a ԑwᴐ Mateo 7 ahyia?

Ԑka sԑ “ԑnyԑ obiara a ᴐse me sԑ Awurade Awurade na ᴐbԑkᴐ ᴐsoro ahenni no mu, na mmom nea ᴐyԑ magya ᴐwᴐ ᴐsoro no apԑde. Nnipa bebree bԑka akyerԑ me sԑ, Awurade Awurade yeannhyԑ nkᴐm wᴐ din mu, yԑantutu adaemone wo din mu, na yԑannyԑ anwonwade bebree wo din mu? Ԑnna mԑka akyerԑ wᴐn sԑ minnim mo da, mommfi me so nkᴐ, mo a moyԑԑ mmaratode”-Mateo 7:21-23 (wᴐyi nsԑm yi fii Amerika Standard Bible foforo no mu, NASB). Ԑdaa adi pefee sԑ wɔ Yesu mfatoho no, wɔn nso dwenee sԑ wᴐyԑ nokware Kristofo. Ԑmfa ho sԑ wᴐsom no nsiyԑ so. Nanso, Yesu kae kyerԑ wᴐn sԑ minnim mo da.” Sԑ yԑhwԑ nsԑm a yԑahu fa atoro nkᴐmhyԑfo a wɔbԑyԑ wɔnhō sԑ Kristo akyidifo no a, ԑnyԑ nwonwa sԑ Yesu kae sԑ yԑnsᴐ ᴐsom ahorow akyerԑkyerԑfo aba no nhwԑ ansa yԑagye wᴐn som atom. Maa yԑhwԑ nsԑmmisa ԑto abien no:

2. Yԑfa no sԑ, yԑn asomfo a yԑka asԑmpa no gye yԑnho di sԑ Mormonfo, efisԑ yԑ gye Yesu tom, nanso yԑapo mormon nhoma, na yԑkyerԑkyerԑ sԑ Yosef Smith yԑ atoro adiyifo. Ͻkwan bԑn so na ᴐbi a ᴐno nso yԑ mormonni bԑte nka, so ɔbԑka sԑ yԑyԑ nokware mormon somfo, Wᴐ bere koro no ara yԑannye mfitiase nhyehyɛe ne gyidi a ԑka Mormonsom ho no nntom?

Saa ara na mormonni anaa Yehowa adanseni ani rennye ho sԑ obi bԑka sԑ wᴐgye wᴐn som tom, nanso wᴐnnye mfitiasesԑm a ԑka wᴐn gyidi ho asԑm. Ԑte saa wᴐ nokware Kristofo nso fam. Nkyenkyem akuw akuw a ԑwᴐ ase ha no ma yehu Yehowa adansefo ne Mormonfo gyidi ne nkyerԑkyerԑ a wᴐakyikyim no a ԑne kyerԑwsԑm nhyia no bi:

GYIDI(NKYERԐKYERԐ)	BIBLE	MORMONFO	YEHOWA ADANSEFO
ONYANKOPϽN (GOD)	*Daa Onyankopᴐn (Yesaia 43:10-11, 44:6,8) da ne ho adi wᴐ nyamesu miԑnsa–Agya-Filipifo 2:11, Ͻba–Yohane 1:1, Honhom Kronkro–Asomafo 5:34*Honhom nyamesu na ԑhyԑ ᴐsoro ne asase na ԑnyԑ nnipa  mu-Hosea 11:9 Yohane 4:24, Ahene 8:27	*Onyankopᴐn ahorow miԑnsa (Odiyifo Yosef Smith nkyerԑkyerԑ a egyina Yosef fielding Smith =Teachings of the Prophet Joseph Smith by Joseph fielding Smith 1976 kr .370)*Onyankopᴐn Nyԑ Daa Nyame. Onyankopᴐn Nyԑ Honhom na Onipa a Ͻkorᴐn, Onuonyamfo bi- Teachings of the Prophet Joseph Smith p.345-346:D&C 130:22 Millennial Messiah, by McConkie,p.77	*Yesu yԑ onyame kumaa a ᴐhyԑ Nokware Yehowa Nyankopᴐn biako no ase. (Reasoning from the scriptures kr. 212)*Honhom Kronkron no nnyԑ onipa na mmom Onyankopᴐn adeyԑ tumi.(So ԑsԑ yԑgye baasakoro no di? Kratafa.20/Should You Believe in the Trinity?)
YESU KRISTO (JESUS CHRIST)	*Daa Nyame ne Ͻba–Yohane 1:1-3,1:8, Filipo 2:5-9, Yohane 20: 28 Hebrifo 1:8, Hebrifo 7:3, Yesaia 9:6, Yohane 8:58, Colosefo 2:9, 2Peter 1:1 Titus 2:13, Yohane 5:18, 19:7*Ͻbᴐᴐ Nneԑma nyinaa a  Abᴐfo ne Lucifer ka ho- Yohane 1:3, Colosefo 1:15-17, Yohane 8:23, Hebrifo 1:5,13, 2:5,8, 4:16-17*Wɔsom No sԑ Onyankopᴐn– Hebrifo 1:6, Yohane 5:2-6, 14:14 Adiyisԑm 5:11-14*Wɔsɔre fi owu mu sԑ honam nipadua a wɔahyԑ no anuonyam-Yohane 2:18-22, Asomafo 17:31 *Ne mogya hohoro bɔne ahorow nyinaa a awudi kᾱ ho-Hebrifo 7:25,1 Yohane1:7,9, Timoteo 1:13-15, Asomafo 8:1.	*Yesu nya ne Nyamesu ne Nkwagye nna bi-Mormon nkyerԑkyerԑ Mc Conkie kr. 129- Mesia Onwu Da po 4 kr.434 (Mortal Messiah volume 4 kr. 434)*Ͻne Lucifer di akameakame de nya Ͻgyefo–Gospel Principle kratafa 17-18*Yesu Mogya ntumi mpata mma bᴐne ahorow nyinaa, sԑ nhwԑso no, awudi. Doctrines of Salvation, vol. 1, kr. 134-135	*Ͻbᴐfo a wᴐbᴐᴐ no, ᴐyԑ nyame a ᴐkorᴐn nanso Yehowa Nyankopᴐn sō koraa. Reasoning from the Scriptures, kr. 212, 218*Yesu ԑmfata Ͻsom ne Adesrԑ– Insight on the Scriptures vol 2 kr.166. Ͻwԑn Aban December 15 1994, kratafa 24-25*Nyanee fi Awufo mu san bԑyԑ Ͻbᴐfopᴐn Mikael– Wubetumi atra ase daa wᴐ paradise wᴐ asase so, kr.21 144-145. (You Can Live Forever in Paradise on Earth). Onyankopᴐn Ahenni no Abԑn 1944, kr. 258 (The kingdom Is at Hand, 1944, kr. 258)
ASԐMPA (GOSPEL)	*ASԐMPA=Owu, Asieԑ, Yesu wusᴐre -1 korintofo 15:1-4.*Daa Nkwa egyina Yesu mu Gyidi Nkutoo so.(Ԑnyԑ Onipa Abrabᴐ Pa Nko)–Romafo 4:4-6, 6:23,10:9, 11:6, Efesofo 2:8:10, Yesaia 64:6 Filipifo 3:9*Nkrabea, sԑ ᴐsoro ahosԑpԑw anaa daa asotwe.  Hokwan foforo bio nni hᴐ mma nnipa abᴐnefo nsakrae wᴐakwan-Hebrifo9:7, Mateo 25:46, Adiyisԑm 20:12-12.*Wᴐn wᴐ de wᴐho to Yesu so nkutoo na wᴐbenya nkwagye. Ԑnti nnipa kakraa bi nā wԑbԑgye wᴐn nkwa- Yohane 14:6, Mateo 7:13-14.*Obiara a ᴐtwe ne hō fi Satan ahyehyԑde hō bᴐ Onyankopᴐn  abusua no nya tumi sԑ mma a wᴐawo wᴐn foforo-1 Yohane 5:1, Yohane 1:12	*ASԐMPA=Yesu mu Gyidi  ne osetie ne nnwuma yԑ afei  Mormon som mmara-  (The Miracle of Forgiveness, Spencer W Kimball, kr. 6).*Nnipa nyinaa(ԑmfaho sԑ wᴐyԑ Nyamesomfo anaa wᴐnsom Nyame benya nkwagye, nanso wᴐn wᴐagyae Mormon som nkutoo rennnya ᴐgye–Joseph Smith—Seeker After Truth, John A Widtsoe, kr. 178; Mormon Doctrine, kr. 778, 351*Nkwagye Titiriw (Daa nkwa) ma wᴐn a wᴐyԑ wᴐn ankasa nkwagye ho adwuma-2 Nephi 25:23, Book of Mormon; The Miracle of Forgiveness, kr. 206; Mormon Doctrine, kr. 669	*ASԐMPA=Gyidi wᴐ Yehowa Nyankopᴐn, Yesu Kristo ne Ͻwԑn Aban Ahyehyԑde–Ͻwԑn Aban February 15 1983, kr. 12*Yesu Kristo mu Gyidi ne nnwuma ho hia kԑse amma  obi anya daa nkwa -Ͻwԑn Aban August 1 1992, kr. 17*Mpem Ͻha Aduanan Anan (144000) nkutoo nā wᴐkā Yesu ᴐsoro apam foforo ho, nyᾱ ne ntamgyinafo ne honhom awo no so mfaso-World wide Security Under the Prince of Peace, 1986, kr. 10, Knowledge that Leads to Everlasting Life 1995, kr. 88, Reasoning from the Scriptures, 1989, kr. 76
ONIPA (MAN)	*Onipa yԑ Onyankopᴐn Abᴐde a Ͻde honhom hyԑ ne mū, nanso no ԑnyԑ honhom atraԑ–1 Korintofo 15:46, Yohane 8:23, Sakaria 12:1.*Onipa wu a amōnum hᴐ ara ne kra anaa honhom fi adi kᴐ Onyankopᴐn  nkyԑn – 2 Korintofo 5:6-8, Filipifo 1:21-23, Adiyisԑm 6:9-10.	*Ɔsoro Awofo Kronkronni no honamdua mu mma wɔ honhom atraԑ-Doctrines of Salvation, vol. 1. kr.97, Mormon Doctrine, kr. 589.*Yԑyԑ anyame wɔ awotwa mu, nanso ԑsԑ wosua sԑnea wobԑyԑ nyame sԑ ankorankoro te sԑ anyame nyinaa –Teaching of Ezra Taft Benson, kr.21, Teaching of Joseph Smith, kr. 345-346.*Honhom afiase nnᾱ a ԑtɔ sō abien mᾱ wɔn a woante Mormon asԑmpa no –Gospel Principles, 1992, kr. 292.	*Onipa wu a ᴐkra no nsō wu, asotwe biara nni hᴐ– Knowledge that Leads to Everlasting Life, kr. 81-85.*Nnipa bԑnya ho kwan atra ase wᴐ owusᴐre akyi bio na wᴐayԑ nsakrae a ԑfata daa nkwa–Knowledge that Leads to Everlasting Life, kr. 87-88.

Nnipa dodow a wᴐwɔ ᴐsom abien yi mū no yԑ koma pafo, mpԑn pii wᴐabrabᴐ yԑ papa na wᴐnho tew a obiara bԑpԑ sԑ ɔne wᴐn bԑtraa. Nanso, wᴐama atorosom a nnipa aniso ԑte sԑ nokware som adaadaa wᴐn, na ԑde nnipa bebree agu honhom sum kabii mu.

“Sᾱ adiyifo ka sԑ sԑnkyerԑnne bԑsi, na ammamū a, na ᴐka sԑ mommma yԑnnkᴐdi anyame foforo akyi na yԑnsom wᴐn a mmunnntie no.”-Deuteronomium 13:1-13.

“Mmara ne adanse no de, sԑ adiyifo no kasa na ԑne no anhyia a, ԑnde na hann biara nni wᴐn mu.” -Yesaia 8:20 KJV.

“Na adiyifo a ᴐ kyerԑkyerԑ ntoro no de, ᴐyԑ dua na wᴐn wɔdi nakyi kᴐ ᴐseԑ mu.”-Yesaia 9:15-16 KJV

4. Sᾱ Mormonfo ne Yehowa adansefo yԑ kristofo ampa te sԑ yԑn a, dԑn enti na wᴐsoma asԑmpatrԑwfo ba yԑn pon ano, sԑ yԑnnye wᴐn gyidi ne wᴐnsom ntom?

Yosef Smith Jr (Deԑ ᴐde Mormon som bae) fa tu ne ho sԑ, wᴐ mfe 1820 no, Ͻsoro Agya ne Yesu Kristo yii wᴐn ho adi kyerԑ no sԑ ᴐsom ahorow nyinaa nnyԑ papa…efisԑ wᴐn gyidi yԑ abusude, na emu asomfo nyinaa abrabᴐ aporᴐw.(Yosef Smith-Abakᴐsԑm 1:19). Saa ara nso na Yehowa adansefo ka sԑ ᴐsom ahorow nyinaa ԑyԑ kristoman, Babilon atoro som fᾱ. Na gye sԑ obi de ne ho bᴐ Yehowa ahyehyԑde ansa wᴐannya nkwagye-Ɔwԑn Aban November 15:1981 kratafa 21.

Enti ԑnyԑ nwonwa sԑ Kristofo bu Yehowa adansefo ne Mormonfo som sԑ wᴐnnyԑ Kristosom mufo. Sԑ wᴐyԑ nokware Kristosom ahorow akuw akuw no bi a, ԑnde dԑn enti na wᴐsoma asԑmpatrԑwfo ma wᴐkᴐ afoforo a wᴐyԑ kristofo pon ano sԑ wᴐn nye wᴐnsom ntom? Sԑ nte saa, ԑnde dԑn enti na wᴐn ani bere denneennen kᴐ wᴐn a wᴐyԑ Kristofo  pon ano, efisԑ wᴐnnyԑ  Kristosom fᾱ.  Mormonfo nhoma si so dua sԑ ampa wᴐyԑ Kristosom mapa,

“ᴐka sԑ na ᴐkae kyerԑ me sԑ hwԑ ᴐsom abien pԑ na wᴐagye wᴐn, biako yԑ Onyankopᴐn Oguanmaa asᴐreԑnna obiako no ne Ͻbonsam asᴐre.”-Nephi 14:10

Mormon nhoma toa so ka sԑ emu bԑn na ԑyԑ wᴐasᴐre? Sԑ wᴐasᴐre yԑ Onyankopᴐn Oguanmaa. So nkyekyem yi nkyerԑkyerԑ sԑ yԑnsom yԑ Ͻbonsam de? Sԑ ԑte saa, sԑnea Mormonfo nhoma kyerԑkyerԑ a, sԑ ampa yԑnsom yԑ Ͻbonsam de a ԑbԑyԑ dԑn na wᴐaka ne pefee sԑ wᴐyԑ Kristofo te sԑ yԑn?

Mormon nhoma no nnka  nfa ho sԑ Kristosom akuw akuw ahorow no na ԑyԑ Ͻbonsam asᴐre wᴐ wᴐn nhoma no ndidi so mu. Nkyekyem a edi kan no (1 Nephi 14:9) ka sԑ fa asᴐre kԑse ne abusude a ne wura ne Ͻbonsam. Afei 1 Nephi 13:26 da saa ᴐsom porᴐw ne abusude a ԑnyԑ asᴐre foforo biara sԑ nea ne nsa ka Bible nkyerԑkyerԑ sԑnea asomafo a wodi kan som no te.

Nea ԑne Yehowa adansefo ne Mormonfo asԑm bᴐ abira no, na wᴐka sԑ ԑho behia  sԑ wᴐsan de nokware Kristosom si hᴐ bio efisԑ awaefo sԑe nokware gyidi no. Yesu pae mo kae sԑ “Mԑsi m’asᴐrefie na asaman apon entumi ԑndwire ngu”. (Mateo 16:18). Esiane sԑ Yesu hyԑebᴐ sԑ ᴐbԑbᴐ n’asᴐrefie ho ban no, ԑnde na ԑbԑyԑ dԑn na Kristosom bԑsԑe kodwotᴐ a gyesԑ ᴐsom foforo bi sᾱ maso si hᴐ bio wᴐ asase so ԑnnԑ? Ͻsomafo Paulo bᴐᴐ kᴐkᴐ sԑ nnipa bi bԑsᴐre na wᴐatwe asuafo no bi adi wᴐn akyi bere a ᴐkae sԑ:

“Na minim sԑ me wu akyi mpataku atirimᴐdenfo bԑsᴐre wᴐn mu, na wᴐrennyԑ mo brԑbrԑ, bio nso nnipa bi bԑsᴐre mo mu aka nsԑm de atwe asuafo no adi wᴐn akyi”-Asomafo Nnwuma 20:29-31, NKJV)

Nokwasԑm ԑne sԑ  yԑbԑyԑ nea yebetumi biara a tie kyerԑwsԑm no, na yԑa pԑԑpԑԑ nneԑma nyinaa ansa yԑagye Kristosom atom, efisԑ ᴐsom ahorow nyinaa se wᴐyԑ Kristo akyidifo.

“Na hwehwԑ biribiara mu pԑpԑԑpԑ na bata nea ԑyԑ papa ho.” –1Tesalonika 5:21

“Meho adwiriw me sԑ animanim yi a wᴐapo Kristono, akotie nkyerԑkyerԑ foforo a ԑyԑ soronko esiane sԑ nnipa binom ԑgyegye mo pԑsԑ wᴐsakra Yesu asԑmpa no. Na mpo sԑ yԑn anaa ᴐbᴐfo fi soro bԑka asԑmpa no a, na ԑne nea yԑka no nhyia a, ma Onnue.” -Galatifo 1:6-8

SԐ WOPԐ NSԐM PII A HWԐ:

  NOKWASԐM A ƆWԐN ABAN ASAFO (WATCHTOWER SOCIETY) MPԐ SԐ WOHU